Пра змены ў трэцім туры «Беларусбанк — вышэйшай лігі»

3 красавіка 2020

Навiны Клубы Вышэйшая лiга

падзяліцца:

У офіс Асацыяцыі «Беларуская федэрацыя футбола» паступіла хадатайніцтва ад футбольнага клуба «Віцебск», які ў нядзелю, 5 красавіка, на сваім полі павінен быў сустрэцца з ФК «Смалявічы» ў трэцім туры «Беларусбанк — вышэйшай лігі». У тэксце дакумента фіналісты Кубка краіны-2019 звярнуліся з просьбай правесці названы двубой і матч дублюючых складаў на стадыене ФК «Смалявічы», а матчы 18 тура (ФК «Смалявічы» — ФК «Віцебск», аснова і дубль) у Віцебску.

Ініцыятыву пераносу сустрэчы віцябляне абгрунтавалі складанымі ўмовамі надвор'я ў апошнія дні і мінусавой сярэднесутачнай тэмпературай, з-за чаго стан поля з натуральным пакрыццем выклікаў у гаспадароў велізарную трывогу. Як следства, у АБФФ і было накіравана хадатайніцтва.

Бюро выканкама Асацыяцыі вывучыла аргументы прадстаўнікоў ФК «Віцебск», звярнулася па дадатковыя кансультацыі да клубаў-удзельнікаў двубоя і пасля вывучэння аргументаў бакоў задаволіла хадатайніцтва

Такім чынам матч трэцяга тура «Беларусбанк — вышэйшай лігі» ФК «Смалявічы» — ФК «Віцебск» адбудзецца ў нядзелю, 5 красавіка, на стадыене «Гарадскі» у горадзе Барысаве і стартуе а 16-й. Тады як матч 18 тура «Беларусбанк — вышэйшай лігі» ФК «Віцебск» — ФК «Смалявічы» пройдзе ў горадзе Віцебску. дата, час і месца сустрэчы будуць агучаны дадаткова