Год заснавання: 2009

Стадыён: Юнацтва (2220)

Колеры: жоўта-сінія

Генеральны дырэктар: Сяргей Салдаценка

Галоўны трэнер: Леанід Лагун

Дасягненні: Бронзавы прызёр Другой лігі (2011), Срэбраны прызёр Другой лігі (2012)

Найбуйнейшы перамога: 15:0 («Белтрансгаз» - «Мёры», 2012)

Найбуйнейшая параза: 1:10 («Слонім-2017» - «Шахцёр», 2015)

Усе назвы: «Белтрансгаз» (2009-2012); «Слонім» (2013-2017) «Слонім-2017» (з 2017)

Гісторыя слонімскага футбола пачынаецца ў 1969 годзе, калі быў заснаваны мясцовы футбольны клуб «Тарпеда», які ў часы СССР гуляў у мясцовых лігах. У 1971 каманда атрымала назву «Камунальнік», пад якой, з невялікімі перапынкамі, выступала ўсю сваю гісторыю. У 1992 слонімскі клуб трапіў у першую суверэнную Трэцюю лігу, пасля гуляў у асноўным у другім дывізіёне. Тры разы клуб гуляў у Вышэйшай лізе.

Па выніках сезона 2010 клуб апусціўся ў Другую лігу. Годам раней у горадзе з'явіўся новы клуб - «Белтрансгаз». Два гады слонімскія клубы суіснавалі ў Другой лізе, але «Белтрансгаз», маючы больш фінансавых магчымасцяў, дамогся па выніках сезону 2012 выхаду ў Першую лігу, тады як «Камунальнік» застаўся серадняком Другой лігі.

Пасля выхаду «Белтрансгаза» ў Першую лігу было ўзнята пытанне аб мэтазгоднасці існавання ў горадзе двух футбольных клубаў. У выніку, у студзені 2013 «Белтрансгаз» быў рэарганізаваны шляхам аб'яднання з «Камунальнікам». Клуб атрымаў назву «Слонім» і месца ў Першай лізе.

Пачынаючы з 2013 года слонімскі клуб выступае ў Першай лізе, але асаблівымі поспехамі пахваліцца не можа: 7 месца чэмпіянату 2018 года з'яўляецца найвышэйшым для ФК «Слонім-2017» у Д2.