Год заснавання: 1951

Стадыён: Гарадскі (2582)

Колеры: сіне-белыя

Генеральны дырэктар:

Дасягненні: фіналіст Кубка БССР (1971); пераможца Другой лігі (1995)

Усе назвы: «Труд» (1951-1956); ЗШМ (1956-1960); «Машынабудаўнік» (1960-1965); «Старт» (1965-1989); «Легмаш» (1990-1994); «Максім-Орша» (1995); «Максім-Легмаш» (1996 г.); «Орша» (1997-2004); «Орша-Белаўтасервіс» (2005-2007); «Орша» (2008 - цяперашні час)

Клуб заснаваны ў 1951 годзе пад назвай «Труд». Найбольшы перыяд сваёй гісторыі выступаў пад назвай «Старт». Выступаў у чэмпіянаце БССР па футболе, пераважна ў вышэйшым дывізіёне. У 1971 годзе дайшоў да фіналу Кубка БССР, але прайграў жодзінскаму «Тарпеда». У 1990-х клуб меў назву «Легмаш», здолеў выйсці ў Другую лігу, дзе правёў некалькі сезонаў да 2001, калі з-за фінансавых праблем зняўся з чэмпіянату. Праз тры гады каманда вярнулася ў Другую лігу, але на гэты раз клуб здолеў толькі ў 2005 годзе выйсці ў дывізіён вышэй, пасля чаго зноў апынуўся ў Другой лізе, дзе доўгі час знаходзіўся ў канцы табліцы. Сезон 2014 года каманда правяла ўдала і атрымала месца ў Першай лізе.