Год заснавання: 1945

Стадыён: Лакаматыў (3749)

Колеры: чырвона-сінія

Дасягненні: чэмпіён Другой лігі (2003, 2014)

Усе назвы: «Лакаматыў» (1945); в/ч «Баранавічы» (1946); «Дынама» (1947-1949); «Лакаматыў» (1950-1952); «Харчавік» (1953-1956); «Баранавічы» (1957-1959); «Прамкамбінат» (1960); «Лакаматыў» (1961); «Салют» (1962); «Лакаматыў» (1963-1964); «Тэкстыльшчык» (1965-1967); «Лакаматыў» (1968);

У 1969-1972 годзе ў чэмпіянаце БССР адначасова выступала дзве баранавіцкіх каманды: «Лакаматыў» і «Тэкстыльшчык»;

«Лакаматыў» (1973-1984); «Тэкстыльшчык» (1985-1989); «Баранавічы» (1990); «Хімік» (1991); «Тэкстыльшчык" (1993); «Метапол» (1993-1995); «Баранавічы» (з 1995 па цяперашні час)

Каманда была заснавана ў 1945 годзе. У савецкі час клуб шмат разоў мяняў назву, але гуляў пераважна ў ніжэйшых лігах чэмпіянату БССР. З 1993 года каманда пачала выступаць у Другой лізе чэмпіянату Беларусі. У 2003 клуб узначаліў ураджэнец Баранавічаў, вядомы ў мінулым форвард Андрэй Хлебасолаў. Ён запрасіў у «Баранавічы» дасведчаных гульцоў, разам з якімі выступаў раней (з іх найбольшую вядомасць у аматараў клуба набыў Сяргей Сергель). У выніку клуб упэўнена перамог у Другой лізе і выйшаў у Першую. У другім дывізіёне «Баранавічы» спачатку займалі месцы ў сярэдзіне табліцы, але пасля клуб выступаў больш упэўнена: ў 2009 і 2010 займаў выніковае 6 месца. У сезоне 2011 клуб з-за фінансавых праблем пакінулі асноўныя гульцы, і, не атрымаўшы ніводнай перамогі за сезон, «Баранавічы» зноў выбылі ў Другую лігу. У сезоне 2014 каманда змагла заняць па выніках чэмпіянату першае месца і вярнуцца ў другі дывізіён.